Тоа им е дозволено само на оние со постојан престој во странска држава, додека „дозвола за привремен престој… не претставува причина за патување во странство“
Белорусија им ги ограничи можностите на своите граѓани да ја напуштат земјата преку копно, дозволувајќи им на само оние кои имаат дозволи за постојан престој да ја напуштат земјата.
Во пораката на социјалната мрежа Телеграм, белоруската погранична служба наведува дека само „граѓаните кои имаат документ со кој се потврдува нивното овластување за трајно живеалиште во странска земја“ имаат право да ја напуштат Белорусија.
Се додава дека „дозвола за привремен престој… не претставува причина за патување во странство“.
Белорусија воведе ограничувања за патување во странство во декември 2020 година, официјално поради пандемијата. Напуштањето на земјата по копно е можно најмногу еднаш во шест месеци.
„Режимот (на претседателот Александар Лукашенко) сериозно го ограничи правото на Белорусите да патуваат, тврдејќи дека одредени причини не се доволни за да ја напуштат земјата“,
објави на Твитер Валери Ковалевски, советник за надворешни работи на опозициската лидерка Светлана Тихановскаја.
Ковалески додаде дека Уставот не дава никакви услови за напуштање на земјата, оценувајќи дека станува збор за „апсолутно кршење на законот“.
Десетици Белоруси ја напуштија земјата во последните месеци, некои и илегално ја преминуваа границата, за да избегнат репресија по претседателските избори во август 2020 година.