Франција на 7 јуни ќе испрати нова Статуа на слободата во САД. Статуата ќе пристигне во Њујорк на 4 јули, на Денот на независноста на САД.
Статуата на слободата претставува историска врска помеѓу Франција и САД, а новата ќе биде висока 2,83 метри, или многу помала од нејзината голема „сестра“, чија висина е 46,5 метри, плус постамент од 46,9 метри, објавија француски медиуми, пренесе „Политико“.
„Сакавме повторно да се поврземе со оваа француско-американска приказна“,
рече амбасадорот на Франција во Вашингтон, Филип Етјен, додавајќи дека споменикот е двоен симбол на слободата.
Статуата што денеска го разубавува Њујорк е подарок од Франција за САД во 19 век во чест на првиот американски дена на независноста.
Идејата за Франција да испрати нова Статуа на слободата во САД се појави во 2019 година, а целта е да се покаже дека Фрнација останува лојална на САД и се зацврстува пријателството меѓу двете земји.
Поради пандемијата предизвикана од ковид-19, реализацијата на овој проект беше одложена, но сега повторно се најде во центарот на вниманието. Споменикот ќе биде поставен во градината на резиденцијата на францускиот амбасадор во Вашингтон, каде што ќе остане десет години.