Улицата кај „Рекорд“ која е една од најфрекфентните улици во Скопје, ќе биде достапна само за пешаци и за брзиот автобуски превоз, а според најавите, автомобилите нема да пречат ниту од Стара Железничка па се до Бит пазар.
Според планот на скопскиот градоначалник Петре Шилегов, со имплементирање на првата фаза од најавениот брз автобуски превоз ќе се затворат булеварите „11-ти Октомври“ и „Димитрија Чуповски“ од Собрание до Стар Ловец.
Шилегов најави дека овој потег би требало да стане пешачка зона некаде кон крајот на 2023 година. Тој вели дека низ малиот ринг ќе биде дозволено исклучиво движење на возилата од брзиот автобуски превоз, противпожарните и амбулантските возила.
„Со почеток на имплементација на бас-рапид транзитот, таму ќе биде дозволено движењето само на овие и на противпожарните и амбулантските возила. Останатиот вид на сообраќај ќе мора да се дисперзира по средниот ринг. Мораме да одиме паралелно со тие димензии, затоа што мораме да дадеме и алтернативен начин на граѓаните за движење низ центарот, па да го затвориме авто-сообраќај и тоа како стратешка цел на нашиот град ќе се имплементира заедно со првата фаза на бас-рапид транзитот“,
вели Шилегов.
Со ова, Шилегов уверува дека Скопје ќе стане град со најголема пешачка зона во Европа.