Минатата недела чешката влада ја обвини руската тајна служба дека е одговорна за експлозијата на складиштето за муниција во 2014 година, при што загинаа две лица, и протера 18 руски дипломати поради шпионажа
Романија ќе протера руски дипломат во знак на солидарност со Чешка, која има дипломатски судир со Москва, соопшти денеска Министерството за надворешни работи во Букурешт следејќи го примерот на неколку земји од Централна и Источна Европа.
„Романските власти одлучија да го прогласат Алексеј Гричаев, заменик-воен аташе во руската амбасада во Букурешт, за персона нон грата во Романија, со оглед на неговите активности и дејствија кои се спротивни на Виенската конвенција за дипломатски односи“,
се наведува во соопштението на Министерството.
Романското МНР соопшти дека рускиот амбасадор Валериј Кузмин бил поканет и информиран за таа одлука.
Минатата недела чешката влада ја обвини руската тајна служба дека е одговорна за експлозијата на складиштето за муниција во 2014 година, при што загинаа две лица, и протера 18 руски дипломати поради шпионажа.
Минатата недела тројца вработени во руската амбасада во Братислава добија рок од една недела да ја напуштат Словачка.