Возач со автомобил влета на плоштадот „Скендербег“ во Тирана, на кој во тој момент има голем број лица, случајни минувачи и граѓани кои чекаат ред да се вакцинираат во поставените шатори.
Од видеото кое ги обиколи светските медиуми, се гледа дека тој запира дури откако случаен минувач скока и преку прозорецот влегува во автомобилот. Во обидот да се запре возачот учествуваат повеќе граѓани кои се плашеле да не станува збор за терористички напад.
Возачот е уапсен, станува збор за 32-годишен маж кој, како што соопшти албанската полиција, најверојатно возел под дејство на дрога.