Според податоците од центрите за контрола и превенција од болести, само во саботата биле ставени 2,9 милиони вакцини, што е рекорд, додека во неделата биле вакцинирани 2,4 милиони лица.
„Честитки за сите што вакцинираат, волонтери, доктори, аптекари, курири, работници, вработени во администрацијата и војници, кои работат заедно во овој напор“,
напиша на Твитер Енди Славит, кој е советник во Белата куќа и член на кризниот штаб.
Според него, во САД досега прва доза од вакцината примиле 23 проценти од возрасните, 59 проценти од лицата со над 65-годишна возраст и 69 отсто од лицата со над 75 години возраст.
Вакцините што се користат во САД се тие на „Модерна“ и „Фајзер“, за кои е потребно да се примаат две дози, како и неодамна одобрената „Џонсон и Џонсон“, од која се прима по една доза.
Целта што ја постави новата администрација на претседателот Џо Бајден е во првите 100 дена од мандатот да се постигне цифра од 100 милиони вакцинирани.
Сепак, и покрај забрзаното темпо на вакцинација, здравствените власти предупредуваат да не се брза со олабавување на мерките, пред сè, се повикуваат лидерите во неколку сојузни држави да не ги отфрлаат мерките за задолжително носење маски.