Обвинение за шест лица кои се фатени на Меѓународниот аеродром во Скопје со фалсификувани негативни ПЦР-тестови за ковид-19.
Основното јавно обвинителство Скопје поднесе обвинителен предлог против шесте лица за кривично дело фалсификување исправа согласно член 378 став 1 од Кривичниот законик.
Од Јавното обвинителство на информираат дека при излез од државава, во одделни кривично-правни настани, обвинетите, на граничниот премин на Меѓународниот аеродром Скопје, прикажувале лажни потврди за негативни ПЦР-тестови за SARS-CoV-2 вирусот, кои наводно биле издадени од лаборатории во Скопје.
Потврдите, како што стои во соопштението, како вистински ги прикажувале пред овластените службени лица, иако знаеле дека воопшто не се тестирале во наведените лаборатории.