Најостриот критичар на Кремљ е осуден на две години и осум месеци затвор поради прекршување на условната казна додека беше на лекување, а во меѓувреме се соочува и со судење за клевета на ветеран од Втората светска војна
Судот во Москва денеска ја одби жалбата на рускиот опозициски лидер Алексеј Навални, поднесена на неговата првостепена казна за прекршување на условната казна со лекувањето во Германија.
Најостриот критичар на Кремљ е осуден на две години и осум месеци затвор поради прекршување на условната казна додека беше на лекување, а во меѓувреме се соочува и со судење за клевета на ветеран од Втората светска војна.
Руските власти претходно го одбија барањето на Европскиот суд за човекови права за ослободување на Навални, оценувајќи дека нема „правна основа“ и претставува „грубо мешање“ во внатрешните работи на Русија.
Европскиот суд за човекови права го испрати барањето, нагласувајќи дека постои опасност по животот на Навални.
Навални беше уапсен на 17 јануари по враќањето во Русија од Германија, каде престојуваше подолг период поради лекување од труењето со нервен агенс.
Неговото апсење предизвика протести во Русија, кои завршија со апсење на околу 11 000 демонстранти.