Торнадо, пожар, сообраќајни несреќи и труење со јаглерод моноксид се дел од причините за смртните случаи
Рекордно ниски температури се регистрирани во Минесота од -39 Целзиусови степени и во Јужна Дакота од -32 степени
Најмалку 21 лице го загубија животот поради снежно невреме во САД, додека милиони се без струја во централниот и јужниот дел на државата.
Најголеми проблеми со снабдувањето со електрична енергија има во Тексас, каде што повеќе од четири милиони домаќинства и деловни објекти се без електрична енергија.
На други места повеќе од 250 000 луѓе, исто така, немаат пристап до електрична енергија, четири милиони луѓе се без електрична енергија и во Мексико, а над 250 000 жители се во мрак по ледената бура во северозападен Орегон.
Торнадо во Каролина, пожар во Тексас
Во Северна Каролина, три лица загинаа откако торнадо погоди крајбрежен град, додека во Тексас четворица членови на семејството загинаа во пожар во реонот на Хјустон обидувајќи се да се загреат. Други смртни случаи има во Луизијана, Кентаки и Мисури. Причините се сообраќајни несреќи и труење со јаглерод моноксид.
Има предупредувања за екстремно студено време од Канада до Мексико. Во Чикаго има снежна покривка од 46 сантиметри, училиштата се затворени, а наставата се одржува на далечина. Снег има дури и на брегот на Мексиканскиот Залив.
Снежното невреме ја загрозува програмата за имунизација на коронавирусот. Претседателот Џо Бајден рече дека е можно да се одложи снабдувањето со вакцини.
Во Тексас, многу луѓе настрадаат затоа што некои од објектите не се дизајнирани да ја задржат топлината. Во Остин веќе 24 часа нема струја и во некои куќи температурата падна на 1-2 степени. Многу луѓе, исто така, немаат пристап до вода поради замрзнати или пукнати цевки.
Рекордно ниски температури се регистрирани во други населени места каде што зимата не е невообичаена. Во Минесота, температурите паднаа на -39 Целзиусови степени, додека во Јужна Дакота на -32 степени.