Илјадници приврзаници на Трамп излегуваат на улиците во Вашингтон

Поради митинзите, локалните власти и полицијата се подготвуваат за можни улични судири, додека се чека Конгресот да ја потврди победата на Бајден на претседателските избори

Илјадници приврзаници на Доналд Трамп сесобраа денеска в зори на митинг во Вашингтон, за да му дададт поддршка на досегашниот американски претседател и на неговите обвинувања за изборни измами, во момент кога Конгресот се подготвува да ги потврди изборните гласови за победа на Џо Бајден на претседателските избори.

Се очекува Трамп да им се обрати на своите приврзаници на митингот во близина на Белата куќа.

Трамп ги мобилизира приврзаниците, организира голем протест на 6 јануари

Приврзаниците на Трамп се уште се надеваат дека Конгресот и потпретседателот Мајк Пенс нема да ги потврдат изборните резултати.

Организаторите планираат да се упатат кон зградата на Конгресот попладне по локално време, каде што ќе се гласа на заедничката седница на двата дома за да се потврдат резултатите од Изборниот колеџ, што досегашниот претседател продолжува да ги оспорува.

„Студен туш“ за Трамп од Конгресот пред заминување – усвоен Законот за буџетот во одбраната на кој тој стави вето

Во порака на Твитер, Трамп изрази поддршка за демонстрантите:

„Вашингтон е преплавен со луѓе кои не сакаат изборната победа да биде украдена од охрабрени демократи на радикалната левица. Нашата земја има доволно, нема повеќе да страда. Ве слушаме (и ве сакаме) од Овалната соба“,

напиша Трамп. .

Во синоќешната порака на Твитер, Трамп ги повика демократите и неговите републиканци да видат илјадници луѓе кои пристигнуваат во Вашингтон, а во друга порака предупреди дека антифа (израз за левичарските милитантни групи), треба да остане надвор од Вашингтон.

Поради митинзите, локалните власти и полицијата се подготвуваат за можни улични судири. Многу продавници и бизниси во центарот на Вашингтон ги забарикадираа своите излози од страв дека протестот може да стане исто така насилен, како за време на немирите во мај и јуни кога беа оштетени многу бизниси.

Градоначалничката на Дистриктот Колумбија, Муриел Боусер ги повика припадниците на Националната гарда да и помогнат на градската полиција и ги повика жителите да го избегнуваат центарот на Вашингтон за да избегнат конфронтации. Таа предупреди дека нема да дозволи луѓето „да поттикнуваат насилство, да ги заплашуваат граѓаните и да го уништуваат градот“.

Според резултатите од Изборниот колеџ, кои беа усвоени од тоа тело на 14 декември, беше потврдена предвидената изборна победа на демократскиот кандидат Џо Бајден. Врз основа на тие резултати, новоизбраниот претседател Бајден освои 306 изборни гласови наспроти 232 на Трамп.

И апелацискиот суд во Висконсин му кажа „не“ на Трамп – отфрлена тужбата за поништување на гласовите со кои победи Бајден