Неофицијално, осуммината починати се четири момчиња и четири девојки на околу 20 години
Трагедија се случи на новогодишната ноќ во босанско-хрцеговското село Трибистово, кај Посушје, кога во викендица осум лица се задушиле од отровни гасови од агрегат за струја, објавуваат босанските медиуми.
„Вистина е, осум млади луѓе починаа“,
потврди Министерството за внатрешни работи на Западно-херцеговскиот кантон.
Информацијата на Твитер ја објави и новинарот Санел Кајан.
Na putu do mjesta tragedije, doznajem da je 10 mladih osoba bilo u vikendici, u selu Tribistovo, kod Posušja. 8 mrtvih! Dvoje je živo, ali u teškom stanju, s trovanjem. Informacije kojima trenutno raspolažem govore da su se ugušili od otrovnih gasova agregata za struju.
— Sanel Kajan (@SanelKajan) January 1, 2021
Според босанските медиуми, во викендицата имало 10 млади лица, на околу 20 години, од кои две преживеале, но се во многу тешка здравствена состојба и се борат за живот.
Неофицијално, осуммината починати се четири момчиња и четири девојки.