Откако беше објавено дека убиениот напаѓач во терористичкиот напад има потекло од Северна Македонија, нашето Министерството за внатрешни работи (МВР) добило барање од австриската полиција за соработка
„Австриската полиција преку Европол достави барање за соработка и информации околу овој случај и од страна на Секторот за меѓународна полициска соработка при МВР веднаш се постапува“,
велат од МВР.
Во терористичкиот напад што синоќа се случи во Виена, при што се убиени четири лица, а повредени се најмалку 17 луѓе.
Австрискиот министер за внатрешни работи Карл Нехамер денеска потврди дека напаѓачот кој синоќа го изврши терористичкиот напад во центарот на Виена потекнува од Република Северна Македонија, дека имал 20 години, имал македонско потекло и бил осуден за терористичко здружување.
Министерот го кажа и името на убиениот терорист – Кујтим Фејзулаи, кој на 25 април минатата година во Австрија бил осуден на 22 месеци затвор поради обид да отпатува во Сирија за да се приклучи на Исламската држава.
Оваа информација прв во јавноста ја објави автстрискиот новинар Флориан Кленк.
„Родителите на осомничениот потекнувале од Северна Македонија и кај нив не била забележана поврзаност со исламизам. Полицијата немала сознанија дека осомничениот планира терористички напад“,
напиша новинарот на Твитер.
Во меѓувреме, медиумите на албански јазик објавија и дека една од жртвите во нападот синоќа е исто така со потекло од земјава. Станува збор за 20-годишниот Неџип Вренези со потекло од струшко Велешта.