Премиерот Зоран Заев го осуди терористичкиот напад во Виена и изрази сочувство до австрискиот канцелар Себастијан Курц за жртвите и нивните семејства.
„Шокантни вести пристигнуваат од Виена, во време кога треба да стоиме обединети и да градиме солидарност. Јас силно ги осудувам терористичките напади и секое дело на насилство. Моите мисли се со семејствата и пријателите на жртвите, луѓето во Виена и мојот пријател Себастијан Курц“,
напиша Заев на својата официјална страница на Твитер.
Shocking news are coming from #Vienna, in times when we should stand united and build solidarity. I strongly condemn the terrorist attacks and any act of violence. My thoughts are with the families and friends of the victims, the people of Vienna and my friend @sebastiankurz ????
— Зоран Заев (@Zoran_Zaev) November 2, 2020
Со осуда за терористичкиот напад излезе и лидерот на опозицијата Христијан Мицкоски, кој побара Владата да им помогне на македонските државјани што се во Виена.
„Најостро го осудувам терористичкиот напад во Виена во кој има и жртви и повредени. Моите молитви се со семејствата чии членови настрадаа во грозоморниот чин. Со оглед на тоа што и македонски државјани работат и престојуваат во Виена апелирам до македонската влада и МНР да понуди помош и контакти во случај на неопходност за поддршка и комуникација со земјава. Поддршка на Австрија во овие тешки мигови и поддршка во справувањето со оваа заедничка глобална закана“,
напиша Мицкоски на Фејсбук.