Министерството за здравство ќе обезбеди дополнителен број на термини за тестирање на ковид-19 преку системот „Мој термин“, а се бара начин и побрзо да се дојде до брзите тестови, вели министерот за здравство Венко Филипче, коментирајќи ги критиките во јавноста дека за тестирање за ковид-19 се чека со денови.
„Секогаш може да се направи и брз тест во скопските клиники и ние тоа го правиме. Ние ќе обезбедиме дополнителни термини, тоа е нешто што сега се работи за време на викендов, и се обидуваме на што побрз начин да стигнеме до брзите тестови. Еден дел од постапката веќе заврши, сега е втората фаза и верувам дека тоа значително ќе го олесни пристапот до тестирање“,
рече Филипче.
Тој порача дека алтернатива се и приватните тестови, но вели на нивните цени Министерството за здравство не може да влијае.
„На тие цени иако се обидовме и гледавме некои алтернативи, ние не можеме да влијаеме апсолутно никако“,
рече Филипче.