На регионалниот пат Свети Николе – Куманово, вчера полициски службеници дале знак за запирање на товарно возило „мерцедес“, со велешки регистарски ознаки. Возилото не застанало, а по кусо време сопрело и возачот почнал да бега, но веднаш бил фатен од полициските службеници. Во товарното возило биле пронајдени 43 мигранти, меѓу кои имало и деца, од Сирија, Пакистан и Авганистан.
Возачот М.Ј. (28) од Штип, бил приведен во полициска станица. За настанот бил известен јавен обвинител, по чија наредба мигрантите се сместени во транзитниот центар „Винојуг“ Гевгелија, а против М.Ј ќе биде поднесена соодветна пријава.
Синоќа на регионалниот пат Струмица-село Дабиле, пак, на влезот во селото, полициски службеници запреле патничко возило „алфа ромео 156“, со бугарски регистарски ознаки, управувано од С.Р. (23) од село Банско, Струмичко. При преглед во возилото биле пронајдени 12 мигранти. За настанот бил известен Јавен обвинител, кој дал наредба возачот да биде лишен од слобода и против него да се поднесе соодветна пријава, соопшти МВР.