Дваесет и седумгодишна жена од Куманово која е позитивна на коронавирусот вчера се породила на Гинеколошко-акушерската клиника (ГАК) во Скопје. Бебето е задржано на клиниката, бидејќи е предвреме родено, а мајката е префрлена на Инфективната клиника. И мајката и бебето засега се во стабилна состојба, дознава „360 степени“.
На ГАК вечерва е примена уште една бремена жена од Охрид, која на клиниката пристигнала со мртов плод. Бидејќи жената имала здравствени компликации и одредена фебрилна состојба, земени се материјали за тест од коронавирус, но резултатите сè уште не се готови.
Според нашите извори, родилката од Куманово се породила во посебна изолирана просторија на Гинеколошко-акушерската клиника и биле испочитувани протоколите за заштита на докторите и медицинските лица од коронавирусот.