Последното возење од Средно Водно до врвот е од 17:30 часот, а последното возење од врвот до Средно Водно е во 17:45 часот
Од утре, 2 април, жичницата на Водно ќе работи еден час повеќе, поточно од 10 до 18 часот, соопштија од Јавното сообраќајно претпријатие (ЈСП).
Во согласност со возниот ред за април, последното возење од Средно Водно до врвот е од 17:30 часот, а последното возење од врвот до средно Водно е во 17:45 часот.
Од ЈСП потсетија дека секој понеделник и секој последен вторник во месецот жичницата не работи.