Земјотресот бил со јачина од три до четири степени според Европската макросеизмичка скала
Сеизмолошката опсерваторија при Природно-математичкиот факултет во Скопје попладнево информира дека денеска во 08:50 часот бил почувствуван земјотрес од населението на Гевгелија, Валандово, Богданци, Неготино, Кавадарци и околината.
Епицентарот на земјотресот бил на 123 километри југоисточно од Скопје и потекнува од епицентралното подрачје Гевгелија – Гуменџа. Почувствуван е со Рихтерова локална магнитуда 3,1 и интензитет од три до четири степени според Европската макросеизмичка скала.