fbpx
Македонија

Земјотрес од 4 степени со епицентар во Албанија е почувствуван во Струга и околината

360степени | 29 јули, 2026 09:51

Земјотресот, според Опсерваторијата на ПМФ во Скопје, е почувствуван од жителите на градот Струга и околината со интензитет од 3 степени според Европската макросеизмичка скала

Според податоците на Европско-медитерански сеизмолошки центар (ЕМСЦ), земјотресот се случил во 7:52 часот, а епицентарот е на 46 километри од Тирана, на длабочина од 20 километри. Процената е дека неговата јачина е 3,8 степени

Земјотрес со локална магнитуда од 4 степени според Рихтеровата скала утрово е регистриран во соседна Албанија, а е почувствуван од жителите на Струга и околината, соопшти Сеизмолошката опсерваторија на Природно-математичкиот факултет во Скопје.

Од епицентарот на земјотресот според ЕМСЦ / Фото: Принтскрин

„Утрово во 7:52 минути е почувствуван земјотрес чиј епицентар потекнува од Република Албанија на околу 144 километри југозападно од Скопје, со Рихтерова локална магнитуда од 4 степени“,

се вели во соопштението од Опсерваторијата.

Земјотресот е почувствуван од жителите на градот Струга и околината со интензитет од 3 степени според Европската макросеизмичка скала.

Според податоците на Европско-медитерански сеизмолошки центар (ЕМСЦ), земјотресот се случил во 7:52 часот, а епицентарот е на 46 километри од Тирана, на длабочина од 20 километри.

Проценката на ЕМСЦ е дека неговата јачина е 3,8 степени.

Оние што го почувствуваа во коментари на платформата на ЕМСЦ го опишаа потресот како краток, но силен.

©2026 360 степени, Сите права се задржани