Претставниците на Заедницата на единиците на локалната самоуправа (ЗЕЛС) побараа навремена реакција од Владата за надминување на оваа состојба, од каде што нагласуваат дека доколку тоа не се случи што поскоро ќе се доведе во прашање функционирањето на општините, но и на јавните претпријатија и образовните институции
Заедницата на единиците на локалната самоуправа (ЗЕЛС) на денешната седница едногласно го усвои заклучокот со кој ќе побараат итен состанок со Владата, со цел изнаоѓање решение за проблемите предизвикани од енергетската криза, а кои предизвикаа високи сметки за електрична енергија во општините.
„Станува збор за голем проблем и градоначалниците веќе подолг период алармираат на повеќекратно зголемување на сметки за електрична енергија, а во некои општини и за повеќе до 500 проценти во однос на тие пред почетокот на кризата“,
информираат од ЗЕЛС.
Претставниците на ЗЕЛС побараа навремена реакција од Владата за надминување на оваа состојба, потенцирајќи дека доколку тоа не се случи час поскоро, ќе се доведе во прашање функционирањето на општините, но и на јавните претпријатија и образовните институции.
Оттаму бараат средбата да се реализира помеѓу членовите на управниот одбор на ЗЕЛС, претседателот на Владата, Димитар Ковачевски и претставници на ресорите кои се директно поврзани со справување со последиците од енергетската криза.