„Погледнете, мора да се каже дека е храбар. Има одлична опрема, но има и одлични луѓе. Има борци“, смета американскиот претседател
Американскиот претседател Доналд Трамп изјави дека неговиот украински колега Володимир Зеленски се справува мошне добро во војната на Украина против Русија.
За време на заедничката прес-конференција со генералниот секретар на НАТО, Марк Руте, во Белата куќа, новинарите го прашаа Трамп дали мисли дека Зеленски ја добива војната во моментов.
„Па, тој се справува доста добро. Погледнете, како и да го гледате, тој се справува доста добро. Барем се држи. Има многу луѓе што умираат од двете страни, но мислам дека се справува доста добро. Мора да му се оддаде признание. Погледнете, мора да се каже дека е храбар. Има одлична опрема, но има и одлични луѓе. Има борци“,
рече Трамп.
TRUMP ABOUT ZELENSKYY: You gotta hand it to him. He's courageous. He's got great equipment, but he's got great men. He's got fighters.
— Kateryna Lisunova (@KaterynaLis) June 25, 2026
NOTE: At the same press conference, the U.S. President also praised the Polish President, the President of Turkey, the Chinese leader, and Putin… pic.twitter.com/9fvJJqiUpt
Аналитичарите, пишува „Гардијан“, велат дека Украина сè подобро се држи на бојното поле, но нејзините градови сè уште се цел на смртоносни руски напади.
Трамп и Зеленски се сретнаа неодамна за време на самитот на Г7 во Франција, каде што лидерите се согласија да го интензивираат притисокот врз Русија за да се стави крај на повеќе од четиригодишната војна.