Африм Гаши, Изет Меџити и Биљал Касами пред една недела на заедничка прес-конференција ја соопштија новата опозициска коалиција, во која заедно настапуваат Демократско движење, БЕСА и Алтернатива и го носи името „Европски сојуз за промени“
Здружените опозициски партии на Албанците, „Европски Сојуз за Промени“, утре во Тетово во 18 часот ќе потпишат декларација на трите партии – Алтернатива, Движење Беса и Демократско движење.
Според соопштението од здружените опозициски партии на Албанците, декларацијата ќе биде потпишана токму на 28 ноември, на Денот на албанското знаме.
Африм Гаши, Изет Меџити и Биљал Касами пред една недела на заедничка прес-конференција ја соопштија новата опозициска коалиција, во која заедно настапуваат Демократско движење, БЕСА и Алтернатива и го носи името „Европски сојуз за промени“.
Тие тврдат дека нивен врвен приоритет ќе биде борбата против корупцијата, како и евроинтеграцискиот пат на држвата.
„Денес овде сме обединети за да ги предизвикаме следните битки, демонстрирајќи го нашето единство да ставиме крај на лошото владеење, кое Албанците овде во Северна Македонија ги донесе до ѕид, создавајќи мозаик на голема болка и максимално избледување на надежите и перспективите. Но, еве сме, тука со вас и на првите борбени линии, решени да донесеме промени“,
велат тие.
Неодамна во интервју за „360 степени“ емитувано на МРТ 1, Изет Меџити ја повика и Алијансата за Албанците да се приклучи во опозицискиот блок, но засега нема најави дека политичките математики ќе ја спојат партијата на Села и Таравари со новата опозициска коалиција.
Европскиот сојуз за промени побара од претседателот на Собранието да го почитува Уставот и да се избере член на опозицијата во Државната изборна комисија (ДИК).