Членовите на Здружението на лекари по семејна медицина не го поддржуваат и нема да учествуваат на најавениот штрајк на матични лекари поради несогласување со дел од барањата кои биле наведени како причини за штрајкот.
„Управниот одбор на Здружението на лекари по семејна медицина (ЗЛОМ-СМ) донесе одлука за неподржување и неучествување на најавениот штрајк на матични лекари од 5 до 7 септември поради несогласување со дел од барањата кои беа наведени како причини за штрајкот и истите беа донесени без консензус од трите здруженија на матични лекари“,
се вели во денешното соопштение од Здружението.
Според ЗЛОМ-СМ современо примарно здравство и комплетно нов модел на примарно здравство е потребен во земјава во кој ќе се успее да се стимулираат младите доктори да работат како матични лекари. Моменталниот модел на вегетирање и одржување во живот со продолжување на работниот век на лекарите е комплетно неодржливо решение, нагласуваат од ЗЛОМ-СМ.