Заканувачот Емил Јакимовски се наоѓа во полициска станица на распит

Заканувачот Емил Јакимовски во моментов се наоѓа во полициска станица на распит за заканите што изминатиот период ги упати кон новинарките Мери Јордановска и Искра Коровешовска, како и кон директорката и други вработени во Централниот регистар.

„Во моментов лицето се наоѓа во полициска станица во врска со случајот и се работи на расветлување на настаните“,

велат од МВР додавајќи дека откако ќе заврши распитот ќе се знаат следните чекори.

Двете новинарки вчера го пријавија Јакимовски во полициска станица, но освен кон нив тој упатувал закани и кон директорката на Централниот регистар Марија Бошковска-Јанковски и вработени во институцијата. За тоа, информираше директорката, во МВР постојат и пријави.

Јакимовски, исто така, беше вработен во Централниот регистар, но викендов доби отказ поради нарушување на угледот на институцијата.

Во неделата беше хакирана и фејсбук-страницата на Централен регистар од каде што објавија дека се сомневаат дека зад тоа стои токму Јакимовски, кој ја креирал страницата уште пред 10 години кога бил раководите на Одделението за маркетинг и односи со јавност.

*Поврзани вести:

Заканувачот Емил Јакимовски доби отказ од Централниот регистар

Јакимовски се заканувал и на уредничка во Алфа, ССНМ реагира

Вработен во Централниот регистар со закани до новинарката Мери Јордановска – Синдикатот бара МВР и ОЈО да реагираат

Вработениот во Централен регистар Јакимовски и се заканувал и на директорката и на вработените – во моментов е на боледување

ВМРО-ДПМНЕ се огради од заканувачот Јакимовски – до МВР ќе достават докази за негов контакт со висок функционер на СДСМ

Хакирана фејсбук-страната на Централниот регистар – сомнежи дека хакерот е заканувачот Јакимовски

Чулев: Ќе настојувам да се расветлат сите закани и насилства кон новинарите