До несреќата дошло откако возилото „форд“ со скопски регистарски ознаки, излетало од коловозот
Во сообраќајната несреќа која вчера по 18 часот се случила на магистралниот пат Кичево – Гостивар, кај селото Колари, загина 46-годишен возач, додека со тешки телесни повреди е малолетна сопатничка, соопшти МВР.
До несреќата дошло откако возилото „форд“ со скопски регистарски ознаки, излетало од коловозот.
„На 01.03.2024 во 18.20 часот во Полициската станица Кичево било пријавено дека на магистрален пат Кичево – Гостивар, кај с.Колари, патничко возило ‘форд’ со скопски регистарски ознаки, управувано од В. Н. (46) од Скопје, излетало од коловозот. Притоа, од здобиените повреди починал на местото на настанот, смрт констатирал лекар од Итна медицинска помош. Додека, со тешки телесни повреди се здобила малетна сопатничка, констатирани во болницата во Кичево. Увид на местото извршила увидна екипа од ОВР Кичево“,
соопшти МВР.