Премиерот Заев на својот фејсбук-профил се пофали дека појавувањето на обвинетиот Сашо Мијалков пред надлежните државни органи е резултат на координирана акција на институциите.
„После преземената акција, објавувам конкретен резултат од кој имаме значаен успех: Се пријави Сашо Мијалков во Обвинителството за организиран криминал и обезбеден е неговиот домашен притвор! Институциите ги презедоа сите редовни и вонредни мерки во врска со бегството на Сашо Мијалков. Координацијата помеѓу сите институции со сите активности што се презедоа во последниве 40 часа дадоа резултат. Правдата е обезбедена, ќе ја има и повеќе и почесто!“,
се вели во статусот објавен на неговиот фејсбук-профил.
