Премиерот Зоран Заев не размислува за план Б доколку не се надминат несогласувањата со Бугарија и поради тоа не се одржи првата меѓувладина конференција со ЕУ.
„Откако сум премиер, досега никогаш не сме размислувале за план Б. Опцијата е планот А. Низ трпение, меѓусебно почитување и разбирање да се изнајдат решенија и верувам дека тие решенија се можни и за сегашниот предизвик. Тие решенија не мора да се најдат денеска. Вчера имаа позитивен ден, ќе објават на прес-конференција за тоа до каде се работите. Ние сме меѓусебно историски поврзани како регион и таа врска од минатото треба да нѐ направи пријатели, а не да нѐ разделува. Претстои период на објавување позитивни информации“,
изјави денеска Заев одговарајќи на новинарско прашање во врска со состанокот на Мешовитата експертска комисија која вчера и денеска одржува состанок во Скопје.
На прашањето што доколку сепак дојде до блокада на меѓувладината конференција, Заев рече:
„Ако дојде до тоа, тогаш ќе го дадам одговорот. Да го немаше Гоце, требаше да го измислиме, за да биде мост меѓу двата народи“.