Унгарската и австриската компанија во заедничката понуда на електронската аукција понудиле најниска цена која вкупно изнесувала 3 120 956 004 денари без ДДВ или околу 51 милион евра, односно 19 796 924 денари без ДДВ (околу 322 000 евра) без ДДВ по единица автобус и 2 018 899 денари (околу 33 000 евра) без ДДВ по единица станица за полнење
Инаку, заедничката понуда на унгарски „Икарус“ и австриската ЕВН беше избрана како најповолна и на претходниот тендер за набавка на електрични автобуси и полначи што беше објавен кон крајот на февруари оваа година. Сепак, два месеци подоцна, од Транспорт соопштија дека Државната комисија по жалби за јавни набавки донела решение за поништување на тендерот по службена должност
Унгарската компанија „Укарус електрик зрт“ (IKARUS Electric ZRT) заедно со австриската ЕВН (EVN) дале најповолна понуда на денешната електронска аукција по повторениот тендер за набавка на 150 електрични автобуси и 75 страниции за полнење, соопшти попладнево Министрството за транспорт.
Како што информираат оттаму, електронската аукција е одржана откако пред околу две недели заврши крајниот рок за доставување на понудите на заинтересираните компании на јавниот повик, а во меѓувреме Комисијата за јавни набавки извршила евалуација на доставената документација, во однос на тоа дали ги исполнува условите од тендерот.
До крајниот рок, според соопштението од Транспорт, понуди доставиле четири компании:
- „Сиемен голден драгон бус ко, лтд“ (Xiamen Golden Dragon Bus Co, Ltd);
- „Јес – ЕУ Деннамр А/С Јутонг“ (YES -EU DENMARK A/S YUTONG);
- „БМЦ отомотив санаји ве тикарет аноним сиркети“ (BMC Otomotiv Sanayi ve Ticaret Anonim Sirketi) и
- „Икарус електрик зрт“ (IKARUS Electric Zrt) во заедничка понуда со ЕВН (EVN).
„По спроведенета евалуација на понудите, Комисијата за јавни набавки утврди дека од вкупно четирите доставени понуди, согласно критериумите утвредни со Јавниот повик, два економски оператори ги исполнуваат условите да учестувуваат на електронската аукција, согласно член 59 од Законот за јавни набавки (јавното надавање) што се оддржа денеска, и тоа: БМЦ отомотив санаји ве тикарет аноним сиркети“ (BMC Otomotiv Sanayi ve Ticaret Anonim Sirketi) и „Икарус електрик зрт“ (IKARUS Electric Zrt) во заедничка понуда со ЕВН (EVN)“,
се наведува во соопштението.
Унгарската и австриската компанија во заедничката понуда на електронската аукција понудиле најниска цена која вкупно изнесувала 3 120 956 004 денари без ДДВ или околу 51 милион евра, односно 19 796 924 денари без ДДВ (околу 322 000 евра) без ДДВ по единица автобус и 2 018 899 денари (околу 33 000 евра) без ДДВ по единица станица за полнење.
По акцијата, Комисијата надлежна за спроведување на јавната набавка, предложила избор за најповолен понудувач, по што утврден е рок за жалба од десет дена.
Доколку сè помине без некакви промени, ќе следи склучување договор со најповолниот понудувач кој е должен според утврдена динамика да ги испорача електирчните автобуси и станиците за полнење.
Како што информираат од Транспрот, првите 30 електрични автобуси и станици за полнење најповолниот понудувач ќе треба да ги испорача во рок не подолг од шест месеци од денот на склучување на договорот. Потоа треба да испорачаат 60 електрични автобуси и 30 станици за полнење во рок не подолг од дванаесет месеци од денот на склучување на договорот и исто толку електрични автобуси и станици за полнење во рок не подолг од осумнаесет месеци од денот на склучување на договорот.
Инаку, заедничката понуда на унгарски „Икарус“ и австриската ЕВН беше избрана како најповолна и на претходниот тендер за набавка на електрични автобуси и полначи што беше објавен кон крајот на февруари оваа година. Сепак, два месеци подоцна, од Транспорт соопштија дека Државната комисија по жалби за јавни набавки донела решение за поништување на тендерот по службена должност. Според овој тендер, компанијата „Икарус“ требаше да ги достави електричните автобуси, а компанија ЕВН станиците за полнење.
Според техничката спецификација, автобусите треба да се во црвена или бела боја, со најмалку 30 седишта плус возачкото седиште, за најмалку 66 патници и да има најмалку едно место за инвалидска количка, како и платформа за инвалидски колички која мануелно би се извлекувала по потреба.
Станиците за полнење треба да се со моќност од најмалку 120 kW за едно приклучно место.
И за автобусите и за станиците, потребно е економскиот оператор да обезбеди гаранција во времетраење од 4 години. Во гарантниот рок обврска на операторот ќе биде тековното редовно одржување и поправката на сите настанати технички неисправности, се вели во техничката спецификација.