„Последиците од прекинот на увозот би извршиле притисок врз германската економија во следните две години, иако падот нема да биде толку силен како во екот на ковид-кризата во 2020 година“, велат од банката, додавајќи оти во 2020 година германската економија падна за 4,6 отсто, а во 2021 година порасна за 2,9 отсто
Целосната забрана за увоз на руски енергенси може да ја турне германската економија во рецесија, предупреди денеска Централната банка, истакнувајќи оти особено тешко ќе биде да се најде замена за рускиот гас.
„Во сценарио кое предвидува засилување на кризата, реалниот бруто домашен производ би паднал за нешто помалку од два отсто во споредба со 2021 година“,
објави Бундесбанк во својот редовен месечен извештај.
Особено би било тешко, истакнуваат од Бундесбанк, да се најде замена за рускиот гас, што би довело до прекин во снабдувањето.
„Последиците од прекинот на увозот би извршиле притисок врз германската економија во следните две години, иако падот нема да биде толку силен како во екот на ковид-кризата во 2020 година“,
велат од банката, додавајќи оти во 2020 година германската економија падна за 4,6 отсто, а во 2021 година порасна за 2,9 отсто.
Во првиот квартал од оваа година, активноста се чини дека стагнира, проценува Бундесбанк.
Во извештајот на Бундесбанк се наведува дека меѓу факторите кои можат да му наштетат на стопанството се растот на цените на суровините, со што индиректно би се намалиле приходите на домаќинствата, значително би се намалила и надворешната побарувачка, а со тоа и германскиот извоз.