Драстично зголемување на бројот на заразени во Шпанија
Бројот на заразени од новиот коронавирус во Шпанија денеска драстично се зголеми, објави Би Би Си.
Според последните информации, потврдени се нови 1 500 случаи на Ковид-19, со што бројот на заболени лица во Шпанија достигна над 5 700.
Шпанија е најпогодена земја од новиот коронавирус, веднаш по Италија, каде има над 15 000 случаи.
Европа сега, како што објави Светската здравствена организација во петокот, е епицентарот на пандемијата од коронавирусот, па затоа беше упатен повик до националните власти во државите да користат агресивни мерки.