Како една од придобивките од подигнувањето на новата патна исправа во Амбасадата во Берлин, без потреба од дополнителни трошоци и патување во матичната земја, како што велат од МНР е што таа се добива за три до четири недели
Околу 70 наши државјани во Германија веќе се стекнале со нова патна исправа, а над 200 лица аплицирале во базната станица за издавање патни исправи во нашата Амбасада во Берлин, соопшти Министерството за надворешни работи.
Базната станица беше поставена пред помалку од еден месец, со цел да се олесни процедурата за нашинците во оваа земја, да добијат патни исправи.
Од МНР велат дека амбасадорот Рамадан Назифи тврди оти ефикасниот и олеснет процес на добивање патни исправи во амбасадите со помош на новиот систем предизвикува голем број позитивни реакции.
Како една од придобивките од подигнувањето на новата патна исправа во Амбасадата во Берлин, без потреба од дополнителни трошоци и патување во матичната земја, како што велат од МНР, е што таа се добива за три до четири недели.