„Очекувам предизвикувачка зима во поглед на енергетиката. И тоа не поради температурата, туку поради состојбата што се случува во Украина. Таму комплетно е уништен електроенергетскиот систем. Украина влече од Европа, што значи дека ќе ја качи цената на електричната енергија на берзите во Европа и ќе ја намали количината. Зимово соларните централи нема да произведуваат онака како во лето. Што значи дека мора да бидеме подготвени“, вели премиерот
За многу скоро време од денеска од страна на истражните органи ќе бидат посочени лицата што се виновни за состојбата во која е оставена компанијата АД ЕСМ. Ова денеска го изјави премиерот Христијан Мицкоски при посетата на скопската поликлиника „Идадија“ одговарајќи на новинарско прашање за состојбата во која се наоѓа АД ЕСМ, дека новото раководство наследило долг од пет милијарди денари, односно 80 милиони евра, но оти сега работењето на компанијата е нормализирано.
„Бидете сигурни дека ќе има одговорност за тоа што се случувало, но од тоа нема да правиме естрада и театар“,
рече тој.
Коментирајќи го долгот на АД ЕСМ, рече дека по фактури за увоз на јаглен, тој е околу милијарда и пол денари или 25 милиони евра на правни лица, но по направени преговори со нив добиен е попуст од околу 5 милиони евра.
„Врз основа на ископ на јаловина и јаглен, затекнати се долгови од две милијарди денари. И тоа е една алармантна состојба. Хидрологијата е речиси празна, односно на 24 или 25 отсто, што значи дека хидроелектраните се празни. Ниту ремонтите не се направени навреме. И тоа е отрилика дијагнозата. Прво што се презема е да се намалат долгувањата. Се надевам дека барем за половина милијарда денари ќе бидат намалени долгувањата“,
рече тој.
Као што рече, според информациите што ги добива од ЕСМ, се прави реорганизација во самата компанија и таа веќе почнува да функционира.
Смета дека оваа зима ќе биде предизвикувачка во делот на енергетиката и очекува зголемување на цената на електричната енергија на берзите во Европа.
„И тоа не го очекувам поради температурата, туку поради состојбата што се случува во Украина. Таму комплетно е уништен електроенергетскиот систем. Украина влече од Европа, што значи дека ќе ја качи цената на електричната енергија на берзите во Европа и ќе ја намали количината. Зимово соларните централи нема да произведуваат онака како во лето. Што значи дека мора да бидеме подготвени“,
вели премиерот.
Повтори дека во одредена мера очекува да се случи нова енергетска криза во Европа, но оти земјата е подготвена да одговори на тие предизвици.