Според последните проценки на експертите, се намалуваат шансите островот да го погоди земјотрес со јачина од 6, 6,1 или 6,2 степени според Рихтеровата скала
Три земјотреси, од кои два беа со јачина од 4,1 степени и еден од 4,4 степени, според Рихтеровата скала, се регистрирани утрово во морската област кај грчкиот остров Санторини. Потоа, следуваа уште неколку земјотреси.
Сите три земјотреси се окарактеризирани како слаби, а сеизмолозите не очекуваат посилни потреси.
Последниот земјотрес го погоди Санторини околу 11 часот, а како што пренесува „Прототема“, бил со јачина од 4,8 степени според Рихтеровата скала.
#Earthquake (#σεισμός) confirmed by seismic data.⚠Preliminary info: M5.0 || 16 km E of #Firá (#Greece) || 3 min ago (local time 11:00:44). Follow the thread for the updates👇 pic.twitter.com/F6nwWCIwpC
— EMSC (@LastQuake) February 8, 2025
Според последните проценки на експертите, се намалуваат шансите островот да го погоди земјотрес со јачина од 6, 6,1 или 6,2 степени според Рихтеровата скала.
Грчкиот премиер Киријакос Мицотакис вчера го посети островот, од каде што ја повика јавноста да остане смирена и да ги следи насоките на службата за цивилна заштита.
„Сакам ги уверам жителите на Санторини, како и на сите соседни острови кои во моментов поминуваат тежок период, дека државниот механизам е на нивна страна. Очигледно е многу подобро да се подготвуваме и да превенираме отколку отпосле да брзаме со справување со последиците“,
рече тој.
Поради интензивна сеизмичка активност, грчката влада прогласи вонредна состојба на Санторини откако егејскиот остров беше погоден од серија земјотреси во последните денови, што предизвика евакуација на повеќе од 11 000 жители и туристи.