Српскиот министер за внатрешни работи Александар Вулин во интервју за српски Вечерни новости кажа дека веќе прашањето не е дали Србија сака во ЕУ, туку дали Европа ја сака Србија. Тој вели дека според уценитe кои ги добиваат од страна на Брисел за признавање на Косово, укинување на Република Српска и воведување на санкции за Русија, очигледно е дека Европската Унија не ја сака Србија и додава дека што побрзо се прифати тој факт, на Србија ќе и биде полесно. Односите вели не се прашање на емоции туку на рационални одлуки.
Тој вели дека унијата почнува да ја губи својата економска сила која била главната причина за привлечноста на ЕУ и додава дека тој сојуз е минато бидејќи со губење на политичка независност, земјите членки стануаат територии а не држави.
За крај вели дека пријателството на Србија со Русија е од најголема важност за земјата, бидејќи без него се ризикува исчезнување на Србија.