Српскиот претседател соопшти дека од полноќ косовските власти почнуваат со акција за запирање на Србите со српски лични карти, како и со убедување на Србите да се откажат од регистарските таблици КМ. Тој ѝ порача на Приштина дека ако се дрзни да ги прогонува, малтретира и убива Србите на Косово, тогаш Србија ќе победи. Ако не сакате да го сочувате мирот, рече Вучиќ, јас ви соопштувам дека во таков случај Србија ќе победи
Косовскиот премиер Курти, пак, изјави дека Косово ќе го прави тоа што Србија го прави веќе 11 години. На граѓаните на Србија кои влегуваат на Косово ќе им биде додадена посебна декларација која, додека престојуваат таму, ќе биде замена за нивните лични документи. Алудирајќи на Вучиќ, тој рече дека на сцената постојат многу политичари кои се лидери само со страв и заплашување
Сакам да ве известам дека ситуацијата за нашиот народ на Косово и Метохија е многу комплицирана и сложена. Знам дека по многу години, многу луѓе не сакаат ни да слушнат за реалните проблеми со кои се соочува и нашата земја и нашите луѓе. Многу луѓе својот однос го сведоа на делување во кое кажуваат „Косово е Србија“ и тоа е сè. Но, мислам дека никогаш не сме биле во покомплексна и потешка ситуација отколку денес.
Вака претседателот на Србија, Александар Вучиќ, денеска го почна своето драматично обраќање пред српската јавност најавувајќи дека властите во Приштина решиле од вечерва на полноќ да започнат акција против Србите на Косово. Според Вучиќ, тие играат на картата дека големиот Путин (претседателот на Србија) му наредил нешто на малиот Путин (Александар Вучиќ), а косовскиот премиер Албин Курти ќе ја игра улогата на украинскиот претседател Володимир Зеленски.
„Режимот во Приштина се обидува, секогаш правејќи од себе жртва, да го искористи расположението во светот во кое мислат дека може да играат на картата големиот Путин му наредни на малиот Путин, па новиот Зеленски во ликот на Албин Курти ќе спасува некој и ќе се бори против големиот српски хегемонизам. Донесоа одлука да наметнуваат работи кои немаат право да ги наметнат. Однапред ги испратија своите единици со 21 тон гориво и сè друго на административните премини Јариње и Брњак со желба да ги запрат сите кои имаат српски лични карти. Сè тоа би требало да почне вечерва на полноќ. Во истовремено, со почеток на акцијата со убедување на Србите да се откажат од таблиците КМ, тоа се таблиците Косовска Митровица“,
рече српскиот претседател.
Во врска со личните карти тој објасни дека Приштина за ова се повикува на точката три од договорот за слобода на движењето кој бил потпишан во 2011 година, а во која се вели дека секоја страна може да примени систем со кој личните карти ќе бидат проследени со пишан документ за влез и излез за оние кои патуваат во трета земја. Меѓутоа, според Вучиќ тоа не може да важи за Србите од Косово бидејќи тие не претставуваат друга страна и не патуваат во трета земја.
Кога станува збор за регистарските таблици, пак, тој потсети дека со договорот од 2011 се воведени таблици РКС и неутрални таблици КС со важење од пет години и нивната примена потоа била продолжена до крајот на 2021, но Приштина во септември 2020 своеволно ги укинала неутралните таблици со КС.
„И што сака Приштина денес? Сака да каже: Не постојат повеќе КС таблици, ние сме суверена држава, може да има само РКС таблици и нема да дозволиме КМ таблици за никој да не помисли дека постојат остатоци од други држави“,
рече Вучиќ.
Српскиот претседател рече и дека вчера властите во Белград разговарале со претставниците на српскиот народ на Косово, но српскиот народ има се помалку слух за нивните молби.
„Мојата молба е да се обидеме да го сочуваме мирот по секоја цена. Ги замолувам сите. Ги замолувам Албанците да се вразумат, Србите да не наседнуваат на провокации и да не направат нешто што би можело да доведе до каков било судир. Но, ги молам и претставниците на големите и моќни земји кои ја признаа независноста на Косово и Метохија, да водат сметка за меѓународното право, за реалноста на терен и да не дозволат нивните штитеници да предизвикаат судир“,
порача Вучиќ.
Тој додаде и дека ако Приштина „се дрзне да тргне во прогон на Србите, да ги малтретира и убива, Србија ќе победи.
„Ако не сакате да го сочувате мирот, јас ви соопштувам: Србија ќе победи“,
рече Вучиќ.
Премиерот на Косово, Албин Курти, пак, изјави дека не постои можност за дестабилизација на ситуацијата поради почетокот на примената на одлуката за реципроцитет со Србија во врска со примената на документите.
„На политичката сцена има многу политичари и официјални лица кои се лидери со страв и заплашување. Мирот, демократијата, правната држава немаат алтернатива, па сакам, верувам и работам на тоа утре се да помине без проблем“,
рече Курти на прес-конференција после седницата на Советот за безбедност на Косово.
Тој објасни дека на граѓаните на Србија кои влегуваат на Косово ќе им биде додадена посебна декларација која, додека престојуваат во Косово, ќе биде замена за нивните лични документи.
„Србија веќе 11 години отстапува исто со секој граѓанин на Косово кога ќе ја премине границата и ќе влезе во Србија. Нема место за напнатост, нема можност за дестабилизација бидејќи се работи за нешто што е легитимно и легално. Тие што зборуваат за насилство, блокади, дестабилизација и тензија, зборуваат за себе, а не за нас“,
рече Курти.