Според податоците што ги кажа на денешната прес-конференција, минатата недела имало 200 заразени деца, а оваа се 320, односно 120 повеќе во цела држава, што според Петличковски не е некое зголемување, но треба да се следи
Комисијата донела одлука за почеток на скрининг во училиштата со кој ќе бидат опфатени 2 000 деца и ќе трае не подолго од една недела
Има благо зголемување на бројот на заразени со ковид кај училишните деца од 6 до 14 години, а тоа според Комисијата за заразни болести е резултат на наставата со физичко присуство. Но, според претседателот Александар Петличковски, состојбата не е алармантна и препорача сите да ги следат протоколите.
Според податоците што ги кажа на денешната прес-конференција, минатата недела имало 200 заразени деца, а оваа се 320, односно 120 повеќе во цела држава, што според Петличковски не е некое зголемување, но состојбата треба да се следи.
Тој упати апел до родителите да ги тестираат децата и за таа цел на денешната седница на Комисијата е донесена одлука за отворање на дополнителни центри за тестирање и тоа во Скопје, во здравствените домови во Ѓорче Петров, Идадија и Бит-пазар, а низ државата во центрите за јавно здравје.
Закажувањето ќе биде преку матичните лекари.
Исто така, Комисијата донела одлука за почеток на скрининг во училиштата со кој ќе бидат опфатени 2 000 деца и ќе трае не подолго од една недела.
Целта на скринингот е да се утврди каков е преносот на вирусот кај деца кои немале контакт со заразени, додека тестирањата се да се види дали некое од децата е позитивно по контакт со заразен соученик. Тестирањата од скринингот ќе се прават во ЦЈЗ.
Петличковски денеска упати препорака до факултетите каде наставата се одвива онлајн, да почнат полека да ја насочуваат кон физичко присуство, и притоа да се стави акцент на вакцинација и на студентите и на професорскиот кадар.