Блекбурн, републиканка од американската сојузна држава Тенеси, за време на посетата рече дека ќе продолжи да го поддржува Тајван додека земјата се движи напред како независна нација и додаде оти не се плаши од кинескиот претседател Си Ѓинпинг
Посетата на американската сенаторка Блекбурн на Тајван е втора официјална посета на претставници на американските законодавни власти на земјата откако претседателката на Претставничкиот дом Ненси Пелоси го посети Тајван, што предизвика пораст на тензиите со Кина
Американската сенаторка Марсија Блекбурн се сретна со претседателката на Тајван, Цаи Инг-вен, за време на втората посета на американските сенатори на островот по посетата на претседателката на Претставничкиот дом Ненси Пелоси, која ги зголеми тензиите во регионот.
Блекбурн, републиканка од американската сојузна држава Тенеси, за време на посетата рече дека ќе продолжи да го поддржува Тајван додека земјата се движи напред како независна нација.
„Ќе продолжам да стојам зад правото на Тајван и нивното право на слобода и демократија. Си Ѓинпинг не ме плаши“,
напиша американската сенаторка Блекбурн на Твитер.
I will continue to stand with the Taiwans and their right to freedom and democracy.
— Sen. Marsha Blackburn (@MarshaBlackburn) August 25, 2022
Xi Jinping doesn’t scare me.
Тајванската претседателка Цаи во своето обраќање ги оцени кинеските воени вежби, како и руската инвазија на Украина, како предизвици за демократските влади како САД и Тајван.
„Ваквите настани покажуваат како авторитарните земји го нарушуваат и го загрозуваат светскиот поредок“,
рече таа и ги пофали посетите на Тајван на претставниците на американските власти.
Посетата на американската сенаторка Блекбурн на Тајван е втора официјална посета на претставници на американските законодавни власти на земјата откако претседателката на Претставничкиот дом Ненси Пелоси го посети Тајван, што предизвика пораст на тензиите со Кина.
Кина беше револтирана од посетата на Пелоси и започна големи воени маневри околу Тајван, кој го смета за дел од својата територија, бидејќи средбите со претставници на тајванските власти ги смета за провокација.