На повеќе места во земјата ќе се формира снежна покривка. На планините таа значително ќе се зголеми, и локално наместа ќе достигне над 50 сантиметри, а позначителна покривка од снег со над 20 сантиметри ќе се формира и во југозападните делови од земјата
Облачно и студено со врнежи од снег – вакво време најавува Управата за хидрометеоролошки работи (УХМР) за денеска. Врнежи од снег ќе има на целата територија на државата, а особено во западните делови, каде што ќе бидат обилни, локално со над 40 литри на квадратен метар.
На повеќе места во земјата ќе се формира снежна покривка. На планините таа значително ќе се зголеми, и локално на места ќе достигне над 50 цантиметри, а позначителна покривка од снег со над 20 цантиметри, според УХМР, ќе се формира и во југозападните делови од земјата.
„Поради ниските температури и засилениот северен ветер ќе има појава на голомразица и снежни наноси“,
информираат од УХМР.
Минималните температури ќе се движат од 1 до -8 Целзиусови степени, додека максималните од -4 до 4 степени.
Времето во Скопје ќе биде облачно и студено со снежни врнежи, кои повремено ќе бидат пообилни. Ќе дува умерен, повремено засилен северен ветер. Температурите ќе бидат од минимални -1 до максимални 1 степен.
Според прогнозата на УХМР, во наредните денови ќе преовладува променливо облачно и студено време со слаб до умерен ветер од северен правец. Повремени врнежи од снег се најавени и за в понеделник, а во следните денови ќе има услови за провејување на слаб снег. Утринските температури ќе бидат минусни.