Минималната температура ќе биде во интервал од 3 до 9, а максималната ќе достигне од 9 до 16 степени
Времето денеска ќе биде променливо облачно со услови за краткотраен локален дожд, соопшти Управата за хидрометеоролошки работи (УХМР).
Попладне и во вечерните часови облачноста ќе се намалува. Ќе дува слаб до умерен ветер претежно од северозападен правец.
И во Скопје времето ќе биде променливо облачно со услови за краткотраен дожд. Ќе дува слаб ветер од северозападен правец.
Утре ќе биде претежно стабилно и потопло. Под влијание на нов влажен бран во понеделник попладне и во вторник времето ќе биде облачно, на повеќе места со врнежи од дожд. Наместа врнежите ќе бидат обилни, со пороен карактер и со појава на ретки грмежи.
Температурата во вторник ќе опаѓа и на планините врнежите ќе бидат претежно од снег.