Пообилни врнежи се најавени во попладневните и вечерните часови. На повисоките, но и на некои пониски места, особено во западните делови на земјава, врнежите ќе преминат во снег
Денеска нè очекува претежно облачно и посвежо време со повремен дожд. Пообилни врнежи се најавени во попладневните и вечерните часови. На повисоките, но и на некои пониски места, особено во западните делови на земјава, врнежите ќе преминат во снег.
„На планините ќе се формира нова снежна покривка, а помала и на некои повисоки места“,
информираат од Управата за хидрометеоролошки работи (УХМР).
Минималните температури денеска во земјава ќе бидат од 0 до 5 Целзиусови степени, а максималните ќе се движат во интервал од 3 до 12 степени.
Слично време ќе преовладува и во Скопје. За во главниот град УХМР најавува главно облачно време со повремен дожд. Дождот ќе се интензивира во попладневните часови и во текот на ноќта кога ќе дува и засилен северен ветер.
Минималната температура во Скопскиот регион денеска ќе биде до 3 степени, а максималната ќе се искачи до 10 Целзиусови степени.
Променливо облачно време нè очекува и утре.