За утре синоптичарите најавуваат студено утро, а во текот на денот дека ќе има сончево време со мала облачност и со слаб ветер
Сончево со мала до умерена облачност – вакво време најавуваат за денеска од Управата за хидрометеоролошки работи (УХМР).
Во утринските часови ќе биде студено со појава на магла или ниска облачност по одделни котлини, а во текот на денот се очекува да дува слаб до умерен ветер претежно од северозападен правец. Температурата наутро ќе биде од минус 6 до 1 Целзиусов степен, а во текот на денот од 9 до 16 степени.
Во Скопје, утрото ќе биде студено со услови за појава на магла и ниска облачност, а преку денот сончево со мала до умерена облачност и со слаб северен ветер. Температурата ќе биде од минус 3 до 12 степени.
За утре синоптичарите најавуваат студено утро, а во текот на денот дека ќе има сончево време со мала облачност и со слаб ветер. Кон крајот на денот облачноста ќе се зголеми и во текот на ноќта во западните делови ќе има врнежи од дожд, а на планините снег.