Воспитувачка во градинка во Ѓорче Петров, во објектот „Детелинка“, е позитивна на ковид-19. По добиениот резултат на тестот за коронавирусот, одлучено е во изолација да бидат ставени 10 дечиња.
Информацијата за „360 степени“ ја потврди и градоначалникот на Ѓорче Петров Александар Наумовски.
„Точна е информацијата дека има заразен воспитувач. Нема сериозни симптоми, само изгубен осет за вкус и мала покаченост на температурата. Десет дечиња се ставени во изолација по насоки од ЦЈЗ и сите се во добра состојба, без никакви симптоми. Еден од родителите по алгоритам останува во изолација 14 дена заедно со детето. Преземени се сите неопходни мерки и постапено е по алгоритам и насоки од ЦЈЗ“,
вели Наумовски за „360 степени“.
Тој додава дека секојдневно се следи состојбата и се реагира навреме ако има потреба.