Во Центарот за култура во Тетово денеска околу 12 часот се очекува да започне вонредниот конгрес на партијата Алијанса за Албанците на кој ќе се избира нов претседател на партијата. Единствен кандидат е досегашниот потпретседател и вршител на должноста партиски претседател, градоначалникот на Гостивар, Арбен Таравари.
Конгресот, кој е трет од формирањето на партијата ќе има два дела – свечен дел со учество на гости и медиуми и работен дел кој ќе биде од затворен тип а каде ќе присуствуваат само делегати на партијата. Конгресот се оддржува откако во август годинава, како резултат на лошите резултати од вонредните избори за Советот на Општина Тетово, тогашниот претседател на Алијанса за Албанците, Зијадин Села поднесе неотповиклива оставка од фунцкијата претседател на партијата.
Инаку, партијата е формирана во 2015 г. кога Села како член на ДПА го иницираше движењето за реформи во партијата, по што се формираше и партијата Алијанса за Албанците. Села ја предводеше партијата речиси 7 години, откако на вториот конгрес кој се одржа на 27 март годинава, тој беше реизбран како претседател.