Пленарната седница ќе се одржи во 13 часот, а според шпанските медиуми не се очекува да има дебата, туку претседателката ќе побара веднаш да се гласа за точката на дневниот ред
Шпанскиот Сенат денеска, првпат во својата историја, ќе одржи пленарна сесија без на неа да учествуваат избраните претставници. Освен историско значење за Шпанија, оваа пленарна сесија на Сенатот има исклучителна, и историска и стратегиска важност за Македонија бидејќи Шпанија е единствената членки на НАТО која сè уште не го формализирала актот со кој на нашата земја ѝ се овозможува и официјално зачленување во Алијансата.
Како што јавуваат шпанските медиуми, на седницата ќе присуствува само потесното раководство на Сенатот, предводено од претседателката Марија Пилар Лоп Куенса, додека останатите сенатори својот глас ќе го дадат преку видеоконференциска врска.
Пленарната седница ќе се одржи во 13 часот, а според шпанските медиуми не се очекува да има дебата, туку претседателката ќе побара веднаш да се гласа за точката на дневниот ред.
Настанот ќе се пренесува и во прес-центарот на Владата на Северна Македонија, а потоа изјави треба да дадат министерот за надворешни работи, Никола Димитров, и шпанскиот амбасадор, Лоренцо Сера.
Него можете да го проследите во живо на линкот во продолжение: