Училиштата каде што не е предвидено гласање, наставата ќе виде реализирана без никакви промени согласно со предвидениот распоред
Учениците кои следат настава во училиштата каде што ќе се гласа на изборите, на деновите пред гласачките, 23 април и 7 мај, ќе следат часови од 7 до 11 часот.
Како што соопштија од Министерството за образование и наука (МОН), скратената настава ќе важи само за учениците од училиштата каде што ќе се гласа на изборите. Во училиштата во кои не е предвидено гласање, наставата ќе биде реализирана без никакви промени согласно предвидениот распоред.
„Наставата во учебната 2023/2024 година ќе се реализира целосно како што предвидуваат плановите за организација на работата на основните и средните училишта. Иако гласањето во рамки на првиот и вториот изборен круг е закажано во работни денови, учениците нема да изгубат од наставата и да пропуштат дел од наставниот материјал“,
информираат од МОН.
МОН потсетува дека наставната година за средношколците трае до 10 јуни, а за основците до 17 јуни.