Универзитетот на Источна Турција започна со користење крвна плазма за пасивно да ги имунизира пациентите заразени со новиот коронавирус, јави агенцијата Анадолија.
Третманот се изведува со земање плазма од пациенти што оздравиле од ковид-19 и веќе се негативни за коронавирус, објасни ректорот на Универзитетот, Иниону Ахмет Кизлај, во округот Малатија.
„Првпат во Турција, медицинскиот центар ‘Тургут Озал’ зема плазма од излечен пациент со ковид-19, користејќи метод наречен плазмафереза и го примени на друг пациент, кој е во многу сериозна состојба во одделот за интензивна нега“
рече тој.
Целта, објасни Кизлај, е пациентот во одделот за интензивна нега да прима антитела оздравениот пациент. Овој метод претходно се користеше за лекување на САРС (тежок акутен респираторен синдром, исто така, предизвикан од коронавирус) и ебола.
Лекарот ги повика пациентите третирани од коронавирус да го поддржат овој метод и да донираат плазма објаснувајќи дека тоа не претставува ризик за веќе излекуваните.