Во тек е затворена седница на Комисијата за одбрана – тема се преземените мерки за лажните дојави за бомби

Комисиската седница се одржува додека во меѓувреме траат антитерористичките проверки во училиштата во дел од градовите кои денеска добија дојави за поставени бомби во своите објекти

Лажните дојави за поставени бомби во земјава, како и мерките и активностите што се преземаат во оваа насока е единствена точка на дневниот ред на седницата на собраниската Комисија за одбрана и безбедност која започна попладнево. Седницата е од затворен тип, а на неа присуствува и министерот за внатрешни работи Оливер Спасовски.

Комисиската седница се одржува додека во меѓувреме траат антитерористичките проверки во училиштата кои денеска добија дојави за поставени бомби во своите објекти.

Дојави за бомби повторно испразнија дел од училиштата во Скопје, Битола и Тетово

Заканувачки пораки, според информации на МВР, денеска добија три училишта во Битола, по две училишта во Тетово и Прилеп, седум училишта во Скопје и едно училиште во струшко Подгорци.

По добиените пријави за поставени експлозивни направи, од МВР информираа дека антитерористичките екипи вршат проверки и преземаат мерки за расчистување на случаите. 

Дојави за поставени бомби и во училишта во Прилеп и струшко Подгорци

Пред собраниската Комисија за надзор над работата на безбедносните служби, пак, утре треба да реферира Агенцијата за национална безбедност (АНБ) во врска со активностите што ги презела во врска со континуираните дојави за поставени бомби.

На седницата пред Комисијата се очекува да реферира новиот директор на АНБ, Зарко Милошевски.

АНБ во вторник пред пратениците треба да реферира што презема во врска со дојавите за бомби