И други европски земи укинаа или најавија укинување на најголем дел од рестрикциите за заштита од ковид-19. На ваков чекор европските земји се решија поради високиот процес на стекнат колективен имунитет
Словенија од денеска ги укина речиси сите мерки за заштита од ковид-19, освен носењето маски во затворени простории. За местата на отворено, пак, носењето маска е на ниво на препорака доколку не може да се одржи растојание од 1,5 метар.
Доказ за прележан ковид, вакцинација или негативен тест ќе се бара само во здравствени установи, старски домови и затвори. Ковид-пропусници и негативниот тест остануваат задолжителни за персоналот во здравствените и здравствените установи, затворите и воспитно-поправните установи за малолетници помлади од 15 години.
Учениците и студентите нема да мора да се тестираат во образовните институции, но маските се уште се задолжителни.
Според владината одлука од сабота, нема повеќе ограничувања за бројот на луѓе во трговските центри, угостителските објекти и какви било настани. Укинати се и ограничувањата на работното време во угостителските објекти, а ноќните клубови може повторно да се отворат.
И други европски земи укинаа или најавија укинување на најголем дел од рестрикциите за заштита од ковид-19. Меѓу нив Германија, Холандија, Данска, Австрија, Шведска, Швајцарија, Белгија, Велика Британија… На ваков чекор европските земји се решија поради високиот процес на стекнат колективен имунитет, како и на поради помалиот притисок на здравствените системи по појавата на варијантата омикрон.