Полицијата во Скопје казнила 180 возачи, од кои 45 за брзо возење, во вчерашната акциска контрола на на МВР во областа на сообраќајот на територијата на главниот град.
Како што соопшти МВР изречени се и 25 санкции за управување под дејство на алкохол, 11 мерки за возење без возачка дозвола, седум за користење мобилен телефон при возење, шест санкции за возач почетник, четири за минување на црвено светло и две за некористење сигурносен појас.
„Засилените акциски контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта,“
велат од МВР.