Четири лица се повредени во сообраќајната несреќа што синоќа пред полноќ се случила во Скопје. Во неа учествувале возило „фолксваген туран“ со скопски регистарски таблички, управувано од Ч.Д. (57), и возило на кумановската Итна медицинска помош, управувано од В.С. (23), соопшти полицијата.
Во несреќата со тешки телесни повреди се здобил возачот Ч.Д., а полесно повредени се возачот на амбулантното возило, сопатничката, како и 72-годишниот пациент што го превезувале.
Несреќата се случила на крстосницата од булеварот „Климент Охридски“ и улицата „Св. Кирил и Методиј“ – кај ЕУ инфо-центарот во 23:20 часот.
На местото увид направила екипа од СВР Скопје.
Дел од медиумите јавуваат дека по судирот возилото на Итната помош се превртило.